EP8 阿希嘛學泰雅族語 所有族群、語言愛共好

Rti 中央廣播電臺 Rti 中央廣播電臺

Candy Yang、查某囝阿希

受訪者：母語家庭Candy Yang、查某囝阿希

阿希4歲開始開喙講台語，Candy彼時猶無真大本土語言意識。這陣透過打造查某囝的台語環境，Candy全心投入做台語的工課。考過認證以後，開始佇咧國小教台語，開真濟心力佇咧台語教學面頂。Candy身軀邊總是有一个好助教，就是阿希，尤其阿希比起仝沿的小朋友，台語講了有影較輪轉，通成做真好的台語示範的效果。

除了講台語，阿希嘛開始學泰雅族族語。因為爸爸是新竹五峰鄉的泰雅原住民，雖罔阿爸真早就離開山頂的生活，已經無啥會曉族語。不而過，Candy為著莫予阿希莫袂記得家己的原住民身份，這陣嘛安排伊去學校上泰雅族語課，Candy仝款有綴咧上。伊鼓勵逐家：做台語事工的語言復振者，嘛愛幫助其他本土語言，實踐所有族群、語言共好的概念。